કુવાથડા પવનચક્કી વિવાદ વકર્યો: રખાલ (અભયારણ્ય) નજીકના ગેરકાયદે બાંધકામની શંકા સામે વિરોધ કરનાર કાસમભાઈએ નામજોગ ફરિયાદ સાથે SP સાહેબ ને અરજી

કુવાથડા પવનચક્કી વિવાદ વકર્યો: રખાલ (અભયારણ્ય) નજીકના ગેરકાયદે બાંધકામની શંકા સામે વિરોધ કરનાર કાસમભાઈએ નામજોગ ફરિયાદ સાથે SP સાહેબ ને અરજી

અહેવાલ. ધરકાસ મોખા..

આપી ‘હુમલાના ડર’ની ચિંતા વ્યક્ત કરી

ભુજ/કુવાથડા

ભુજ તાલુકાના કુવાથડા ગામમાં રાષ્ટ્રીય પક્ષી મોરના આવાસ અને રખાલ (અભયારણ્ય)ની બિલકુલ નજીક ચાલી રહેલા પવનચક્કીના બાંધકામનો વિવાદ વધુ ગંભીર બન્યો છે. આ બાંધકામની કાયદેસરતા સામે શંકા વ્યક્ત કરનાર સ્થાનિક રહેવાસી કાસમભાઈએ હવે જિલ્લા પોલીસ અધિક્ષક (SP) સાહેબ ને લેખિતમાં ફરિયાદ કરીને પોતાના જીવને જોખમ હોવાની ગંભીર ચિંતા વ્યક્ત કરી છે.

બાંધકામ ગેરકાયદેસર હોવાની શંકા: કલેક્ટરને તપાસની માંગ

સ્થાનિક રહેવાસી કાસમભાઈ સહિતના ગ્રામજનોએ જિલ્લા કલેક્ટર અને વન વિભાગને લેખિત રજૂઆત કરી છે, જેમાં તેમણે જણાવ્યું છે કે આ પવનચક્કીનું બાંધકામ રખાલ અને વન્યજીવ અભયારણ્યની અતિ નજીક આવેલું છે. અરજીમાં સ્પષ્ટપણે શંકા વ્યક્ત કરવામાં આવી છે કે આ બાંધકામ કાયદેસર છે કે ગેરકાયદેસર. તેમણે માંગણી કરી છે કે મહેસૂલી નિયમો, NA મંજૂરીઓ અને પર્યાવરણીય NOC ની સંપૂર્ણ અને તટસ્થ તપાસ થવી જોઈએ.

વિરોધ કરવા બદલ કાસમભાઈને નામજોગ ધમકી:

સૌથી ચિંતાજનક બાબત એ છે કે, વિરોધમાં સક્રિય એવા કાસમભાઈએ પોલીસ અધિક્ષક (SP) સાહેબને આપેલી અરજીમાં નામજોગ ફરિયાદ કરી છે. કાસમભાઈએ જણાવ્યું છે કે તેઓ અને અન્ય ગ્રામજનો આ પવનચક્કીના બાંધકામનો વિરોધ કરી રહ્યા હોવાથી, તેમને અમુક વ્યક્તિઓ તરફથી ધાક-ધમકીઓ મળી રહી છે.

SP સાહેબ ને કરાયેલી ફરિયાદ મુજબ, કાસમભાઈએ ડર વ્યક્ત કર્યો છે કે આ ધમકીઓ એટલી ગંભીર છે કે તેમની પર ગમે ત્યારે હુમલો થઈ શકે છે. તેમણે આ મામલે તાત્કાલિક કાયદેસરની કાર્યવાહી કરવાની અને ધમકી આપનાર તત્વો સામે કડક પગલાં લેવાની માંગ કરી છે.

બાંધકામ ચાલુ, તપાસ શરૂ થવાની પ્રતીક્ષા

આટલી ગંભીર રજૂઆતો અને પોલીસ ફરિયાદ છતાં, પવનચક્કીનું બાંધકામ હજી પણ ચાલુ છે અને સત્તાવાર રીતે કોઈ તપાસ શરૂ થઈ નથી. તંત્ર દ્વારા કાયદેસરતાની તપાસ અને વિરોધ કરનારની સુરક્ષા માટે કેવા પગલાં લેવાય છે, તેના પર સમગ્ર ગામ અને જનતાની નજર ટકેલી છે.