વીરપાલસિંહ ઝાલા: કર્તવ્યનિષ્ઠાની ઊંચાઈ! સરકાર આ શિક્ષક BLOને સન્માનિત કરેo
અહેવાલ. ધરકાસ મોખા ..
પૈયા ગામના શિક્ષકનું અદભુત સમર્પણ: રાત્રે ૧૨ વાગ્યા સુધી મહેનત કરીને SIR-2026નું કઠિન કાર્ય કર્યું સરળ.
ભુજ: સમગ્ર રાજ્યમાં ચાલી રહેલો મતદાર યાદી સુધારણા કાર્યક્રમ (SIR-2026) હાલમાં BLOs માટે મોટો પડકાર બની રહ્યો છે. જોકે, ભુજ તાલુકાના પૈયા ગામના શિક્ષક અને BLO શ્રી વીરપાલસિંહ ઝાલાએ જે રીતે આ પડકારનો સામનો કર્યો છે, તે ખરેખર અનુકરણીય છે.
પૈયા ગામના ગરીબ અને અભણ લોકો સવારથી જ મજૂરી માટે બહાર જતા રહે છે અને મોડી સાંજે ૭ વાગ્યે પરત ફરે છે. આ કારણે સરકારી EF ફોર્મનું વિતરણ, ભરાવવું કે પરત મેળવવું એ લગભગ અશક્ય હતું. આ જટિલતાને તોડવા માટે, શ્રી ઝાલાએ દિવસ-રાત જોયા વગર ગામના લોકોની અનુકૂળતા મુજબ રાત્રીના ૧૨ વાગ્યા સુધી ઘરે-ઘર ફરીને મહેનત કરી.
તેમણે અથાક પરિશ્રમ કરીને તમામ ફોર્મ એકઠા કર્યા અને ચૂંટણીપંચની ગાઇડલાઇન મુજબ સમયસર ઓનલાઇન એન્ટ્રી પણ પૂરી કરી, જેના કારણે એક પણ મતદાર પ્રક્રિયાથી વંચિત ન રહ્યો. સમગ્ર પૈયા ગામવાસીઓએ તેમની આ સેવા બદલ હૃદયપૂર્વક આભાર વ્યક્ત કર્યો છે.
આવી ઉચ્ચ કર્તવ્યનિષ્ઠા અને માનવતા દર્શાવનાર અધિકારી-શિક્ષકોને સરકારે તાત્કાલિક પ્રોત્સાહન આપી સન્માનિત કરવા જોઈએ, જેથી તેમના આ કાર્યની નોંધ લેવાય અને અન્ય કર્મચારીઓને પણ શ્રી ઝાલા સાહેબ પાસેથી પ્રેરણા મળી શકે. ઝાલા સાહેબનું આ કાર્ય અન્ય BLOs માટે એક મિશાલ (આદર્શ) છે.
