દિલ્હી બોમ્બ વિસ્ફોટ કેસ: આતંકીને શરણ આપનાર સાતમા આરોપીની ધરપકડ
NIA દ્વારા મોટી કાર્યવાહી; હરિયાણાના રહેવાસીએ પૂરી પાડી હતી લોજિસ્ટિક મદદ
નવી દિલ્હી:
રાષ્ટ્રીય તપાસ એજન્સી (NIA) એ દિલ્હીના કાર બોમ્બ વિસ્ફોટ કેસમાં વધુ એક આરોપીની ધરપકડ કરી છે. ફરીદાબાદ (હરિયાણા)ના ધૌજ ગામના રહેવાસી સોયાબ ને આતંકવાદી ઉમર ઉન નબી ને આશરો અને અન્ય લોજિસ્ટિક સહાય પૂરી પાડવાના આરોપસર પકડવામાં આવ્યો છે.
આ કેસમાં પકડાયેલો તે સાતમો આરોપી છે.
હુમલા પહેલા આપી હતી મદદ
તપાસ એજન્સીઓના જણાવ્યા અનુસાર, સોયાબે 10 નવેમ્બરના રોજ લાલ કિલ્લાની બહાર થયેલા જીવલેણ વિસ્ફોટ પહેલા કાર બોમ્બર ઉમરને મદદ કરી હતી. અગાઉ NIA આ કેસમાં ઉમરના છ અન્ય સાથીઓની ધરપકડ કરી ચૂકી છે.
NIA હાલમાં આ આત્મઘાતી હુમલાના સંપૂર્ણ કાવતરાને ઉજાગર કરવા અને અન્ય સંડોવાયેલા લોકોને શોધવા માટે વિવિધ રાજ્યોમાં સઘન તપાસ અને દરોડા પાડી રહી છે.
