પોલીસ અધિક્ષકશ્રી સફીન હસનનો કડાણા તાલુકાના સરસ્વા ગામની આંગણવાડીમાં બાળકો અને વાલીઓ સાથે સીધો સંવાદ
પોલીસ અધિક્ષકશ્રી સફીન હસનનો કડાણા તાલુકાના સરસ્વા ગામની આંગણવાડીમાં બાળકો અને વાલીઓ સાથે સીધો સંવાદ
મહીસાગર જિલ્લાને કુપોષણમુક્ત બનાવવાના જન અભિયાન ‘કુપોષણ મુક્ત મહીસાગર અભિયાન’ અંતર્ગત, જિલ્લા પોલીસ અધિક્ષક શ્રી સફીન હસનએ આજે કડાણા તાલુકાના સરસ્વા ગામની આંગણવાડીની મુલાકાત લીધી હતી. આ મુલાકાત દ્વારા પોલીસ તંત્રએ જિલ્લાના બાળકોના સ્વાસ્થ્ય પ્રત્યેની પોતાની સામાજિક પ્રતિબદ્ધતા વ્યક્ત કરી.
પોલીસ અધિક્ષકશ્રીની આ મુલાકાત અત્યંત ફળદાયી રહી હતી. તેમણે આંગણવાડી કેન્દ્રમાં ઉપલબ્ધ પોષણયુક્ત આહારની ગુણવત્તા, સ્વચ્છતા અને શિક્ષણની પ્રવૃત્તિઓનું ઝીણવટભર્યું નિરીક્ષણ કર્યું હતું અને કાર્યકરોને જરૂરી માર્ગદર્શન પૂરું પાડ્યું હતું. આ ઉપરાંત, શ્રી સફીન હસને આંગણવાડીના બાળકો સાથે હળવાશથી સંવાદ સાધીને તેમને પોષણયુક્ત આહારના મહત્વ વિશે સરળ ભાષામાં સમજણ આપી હતી. સૌથી મહત્ત્વનું, તેમણે બાળકોના વાલીઓ અને માતાઓ સાથે વિસ્તૃત ચર્ચા કરી હતી, જેમાં કુપોષણના પડકારો, તેના નિવારણના ઉપાયો અને સરકારી યોજનાઓ જેવી કે ICDS (સંકલિત બાળ વિકાસ સેવાઓ) અને પોષણ આહાર યોજનાઓના મહત્તમ ઉપયોગ પર ભાર મૂક્યો હતો.
પોલીસ અધિક્ષક શ્રી સફીન હસને આ તકે જણાવ્યું હતું કે, “તંદુરસ્ત બાળક જ તંદુરસ્ત સમાજ અને રાષ્ટ્રનું નિર્માણ કરે છે. વાલીઓએ પોષણ પ્રત્યે જાગૃત બનીને આંગણવાડીની સેવાઓનો મહત્તમ લાભ લેવો જોઈએ અને તંદુરસ્ત પેઢીના નિર્માણમાં સહભાગી થવું જોઈએ.
અહેવાલ :દિનેશ ચમાર મહીસાગર.
