પોષણયુક્ત વાનગીઓના નિદર્શન સાથે લુણાવાડા ICDS દ્વારા ‘વિકાસ સપ્તાહ’ની ઉજવણી.
ગુજરાત સરકાર દ્વારા ચાલી રહેલા ‘વિકાસ સપ્તાહ’ના ઉપલક્ષ્યમાં, લુણાવાડા તાલુકા આઈ.સી.ડી.એસ. (સંકલિત બાળ વિકાસ સેવાઓ) દ્વારા પોષણ અંગે જાગૃતિ ફેલાવતા કાર્યક્રમનું સફળતાપૂર્વક આયોજન કરવામાં આવ્યું.
આ કાર્યક્રમમાં આંગણવાડી કેન્દ્રોના લાભાર્થીઓ — જેમાં સગર્ભા/ધાત્રી માતાઓ, કિશોરીઓ અને ૬ માસથી ૩ વર્ષના બાળકોનો સમાવેશ થાય છે — ને આપવામાં આવતા ટેક હોમ રાશન (THR) વિશે માહિતી આપવામાં આવી. આ સાથે જ, પોષણનું મહત્વ સમજાવવા માટે મિલેટ (શ્રી અન્ન) અને સરગવા જેવા અત્યંત પૌષ્ટિક ખાદ્યપદાર્થોમાંથી તૈયાર કરાયેલી વિવિધ વાનગીઓનું સુંદર નિદર્શન રજૂ કરવામાં આવ્યું હતું.
નિદર્શન ઉપરાંત, લાભાર્થીઓ દ્વારા પોષણ રંગોળી પણ બનાવવામાં આવી હતી, જેમાં મિલેટ્સ (જાડા ધાન્ય), કઠોળ, સરગવો, મેથી, પાલકભાજી તેમજ અન્ય ધાન્યનો ઉપયોગ કરી પોષક તત્વોનું મહત્વ દર્શાવવામાં આવ્યું હતું. આ પ્રવૃત્તિએ ઉપસ્થિત સૌ કોઈને પૌષ્ટિક આહાર વિશે સરળ અને દ્રશ્યમાન રીતે જ્ઞાન પૂરું પાડ્યું હતું.
આ મહત્વના કાર્યક્રમમાં જિલ્લા વિકાસ અધિકારીશ્રી,તાલુકા વિકાસ અધિકારશ્રી, તાલુકા સંકલન અધિકારીશ્રી, તલાટીશ્રી, સરપંચશ્રી, ઉપસરપંચશ્રી, આરોગ્ય વિભાગના સ્ટાફ, આંગણવાડી કાર્યકર બહેનો અને મોટી સંખ્યામાં ગ્રામજનો ઉપસ્થિત રહી કાર્યક્રમને પ્રોત્સાહિત કર્યો હતો.
અહેવાલ : દિનેશ ચમાર મહીસાગર.
