સબ ડિસ્ટ્રિક્ટ હોસ્પિટલ ઝાલોદ ખાતે રક્તદાન કેમ્પ યોજાયો..દેશની પ્રવર્તમાન પરિસ્થિતિને ધ્યાને રાખીને ઝાલોદ તાલુકાના સબ ડિસ્ટ્રિક્ટ હોસ્પિટલ ખાતે માન.મુખ્ય જીલ્લા આરોગ્ય અધિકારીશ્રીના માર્ગદર્શન હેઠળ અને તાલુકા હેલ્થ ઓફિસર શ્રી ના અધ્યક્ષ સ્થાને ઝાયડસ મેડિકલ કોલેજ અને હોસ્પિટલની મોબાઇલ ડોનેશન વાનના સહયોગ થકી આ રક્તદાન કેમ્પનું આયોજન કરવામાં આવ્યું હતું
મોટી સંખ્યામાં યુવાનો ઉપસ્થિત રહ્યા હતા રકતદાન કેમ્પમાં રક્તદાતાઓ દ્વારા સવારે 10:00 થી 04:00 વાગ્યા સુધીમાં કુલ 50 જેટલી બોટલ બ્લડ ડોનેટ કરીને દેશ પ્રત્યેનો પ્રેમ અને રાષ્ટ્રભક્તિનું ઉદાહરણ પૂરું પાડ્યું હતું આ રકતદાન કેમ્પમાં ગરાડુ ગામના ઉત્સાહી અને સેવાભાવી મલ્ટિપર્પઝ હેલ્થ વર્કર મનીષ ભાઈ પંચાલ દ્વારા 49મી વખત રકતદાન કરીને માનવતાનું કાર્ય કર્યું તેજ રીતે ઝાલોદ ના સામાજિક કાર્યકર રીટાબેન સોલંકી દ્વારા 7મી વખત રકતદાન કરીને માનવતાનું કાર્ય કર્યું
આ રક્તદાન કેમ્પ માં તમામ રક્તદાતાઓ ઉત્સાહપૂર્વક રકતદાન કરીને રાષ્ટ્રના રક્ષણમાં સહભાગી બન્યા
આ રકતદાન કેમ્પમાં સબ ડિસ્ટ્રિક્ટ હોસ્પિટલના અધિક્ષક શ્રી ડૉ પ્રતિમા મહેતા અને તાલુકા હેલ્થ ઓફિસર ડૉ તુષાર ભાભોર દ્વારા તમામ રક્તદાતાઓ ને ખૂબ ખૂબ અભિનંદન પાઠવવામાં આવ્યા હતા
અહેવાલ : રાજકુમાર પરિહાર દાહોદ
